فواد چودھری کے بھائی فیصل چودھری کی جانب سے بانی پی ٹی آئی عمران خان کو جیل میں سہولیات کی عدم فراہمی پر اسلام آباد ہائیکورٹ میں درخواست دائر کردی گئی ہے۔ لیکن پی ٹی آئی کی جانب سے اس درخواست کو مسترد کردیا گیا ہے۔

فیصل چودھری ایڈووکیٹ نے بانی پی ٹی آئی کی جانب سے درخواست دائر کی۔

درخواست میں مؤقف اختیار کیا گیا ہے کہ بانی پی ٹی آئی کو جیل میں بنیادی سہولتیں سے محروم کرنا جیل مینوئل کی خلاف ورزی ہے۔

ہمیں بھی عمران خان کو ملنے والی سہولیات فراہم کی جائیں، پنجاب کے قیدیوں مطالبہ زور پکڑ گیا

درخواست میں کہا گیا کہ بانی پی ٹی آئی کو ایک بہت چھوٹے سیل میں مستقل بند رکھا جا رہا ہے، بانی پی ٹی آئی کو ورزش کی سہولت میسر نہیں، ان سے اپنا کھانا کھانے کی سہولت بھی لے لی گئی ہے۔

درخواست میں استدعا کی گئی کہ بانی پی ٹی کو ٹیلی ویژن اور اخبار کی سہولت بھی مہیا کی جائے جو واپس لی گئی ہے۔

درخواست میں مزید کہا گیا کہ آئین کے آرٹیکل 9 اور دیگر آرٹیکل مکمل طور پر نظر انداز کر دئیے گئے ہیں۔

درخواست میں استدعا کی گئی ہے کہ عدالت بانی پی ٹی کے انسانی حقوق کی نگہبان ہے اور فوری طور پر بانی پی ٹی آئی کے حقوق بحال کئے جائیں۔

درخواست دائر ہونے کے بعد فیصل چودھری کو پی ٹی آئی لیگل ٹیم سے باضابطہ طور پر نکال دیا گیا۔

اس حوالے سے بیرسٹر گوہر نے کہا کہ اسلام آباد ہائیکورٹ میں درخواست لیگل ٹیم کی مشاورت کے بغیر جمع کروائی گئی، اور اس کیلئے پرانے پاور آف اٹارنی کو استعمال کیا گیا۔

بیرسٹر گوہر نے کہا کہ بانی پی ٹی آئی کی سہولیات کے لئے پیر کو درخواست دائر ہوگی۔ پیر کو ہمارے اپنے وکلاء یہ درخواست دائر کریں گے۔

شیخ وقاص اکرم نے بیرسٹر گوہر کے بیان کی تائید کرتے ہوئے کہا کہ فیصل چوہدری معاملے پر سیکرٹری جنرل کے ساتھ ہیں۔