بالی ووڈ انڈسٹری کی مقبول اداکارہ کاجول اکثر بھارتی پاپارازیز کیساتھ چڑچڑی دکھائی دیتی ہیں۔

ان کے فوٹوگرافروں کیساتھ ناروا رویے پر انہیں سوشل میڈیا صارفین کی جانب سے بدتمیز قرار دیا جا رہا ہے۔

اب لوگوں کی اس تنقید کا کاجول دیوگن نے جواب دیا ہے۔

بھارتی میڈیا رپورٹ کے مطابق ایک حالیہ انٹرویو میں کاجول نے کہا کہ وہ ان شخصیات میں سے نہیں ہیں، جو ہر بار اپنا مثبت چہرہ پیش کرتی ہیں اور نہ ہی مجھ سے یہ توقع رکھی جائے۔

50 سالہ کاجول نے حالیہ تنقید پر جواب دیتے ہوئے کہا کہ میں دوسروں کے لیے خود کو نہیں بدلوں گی اور اس کے لیے میں کوئی معافی نہیں مانگوں گی۔

اداکارہ کا مزید کہنا تھا کہ ہر انسان اچھے یا برے دن سے گزرتا ہے میں بھی عام انسان ہوں، غصہ آتا ہے، مجھ سے یہ توقع ہر گز نہ رکھی جائے میں صرف اپنا چمکدار امیچ ہی پیش کروں گی۔