آزاد کشمیر کے علاقے کوٹلی میں ہولاڑ پل کے نزدیک ایک گاڑی گہری کھائی میں جاگری۔ ریسکیو ذرائع کے مطابق اس حادثے میں چار افراد جاں بحق ہوگئے۔ متعدد زخمی ہوئے ہیں۔

گاڑی میں سوار افراد شادی کی تقریب میں شرکت کے بعد گھر واپس جارہے تھے کہ یہ واقعہ رونما ہوا۔

ریسکیوورکرز نے جاں بحق ہونے والے افراد اور زخمیوں کو تحصیل ہیڈ کوارٹرز اسپتال منتقل کردیا۔ حادثے کی تفصیلات معلوم نہیں ہوسکیں۔ بیشتر زخمیوں کی حالت ایسی نہیں کہ ان سے بیان لیا جاسکے۔