یونان سے تعلق رکھنے والے شہری کو عجیب و غریب حرکت کی بنا پر گرفتار کرلیا گیا۔

غیر ملکی میڈیا رپورٹس کے مطابق شمالی یونان میں ایک جج نے ایک ایسے شخص کو سزا سنائی جو پڑوسیوں کے گھروں میں گھس کر ان کے جوتوں کو سونگھتا تھا، جس سے وہ پریشان ہوگئے۔

جج کی جانب سے شہری کو اس حرکت پر ایک ماہ قید کی سنائی گئی۔

رپورٹ کے مطابق 28 سالہ یونانی شہری نے تھیسالونیکی میں ایک عدالت کو بتایا کہ وہ اپنے رویے کی وضاحت کرنے سے قاصر ہے جس پر وہ کافی شرمندہ ہے۔

اس نے کہا کہ اس کا قانون توڑنے یا کسی کو نقصان پہنچانے کا کوئی ارادہ نہیں تھا جبکہ پڑوسیوں نے بھی گواہی دی کہ اس نے اپنی ان حرکتوں کے دوران کبھی بھی جارحیت کا مظاہرہ نہیں کیا۔

شہری کو 8 اکتوبر کو صبح ہونے سے قبل تھیسالونیکی سے تقریباً 15 کلومیٹر کے فاصلے پر چھوٹے قصبے سنڈوس سے گرفتار کیا گیا تھا۔

رپورٹ میں مزید کہا گیا کہ پولیس کو اُس وقت اطلاع کیا گیا جب ایک پڑوسی نے شہری کو اپنے فیملی کے ارکان کے جوتے سونگھتے ہوئے پایا گیا۔