26 ویں ترمیم پر پیدا شدہ سیاسی صورت حال کے تناظر میں وزیراعظم شہباز شریف کی دولت مشترکہ سربراہی اجلاس میں شرکت کھٹائی میں پڑگئی جس کے باعث نائب وزیراعظم اسحاق ڈار کا آج رات سموعہ روانہ ہونے کا امکان ہے۔

سموعہ میں دولت مشترکہ کے سربراہان حکومت کا اجلاس 24 اور25 اکتوبر کو ہونا ہے۔

ذرائع نے آج نیوز کو بتایا کہ وزیراعظم شہباز شریف دولت مشترکہ سربراہی اجلاس میں شرکت نہیں کریں گے۔

دولت مشترکہ سربراہی اجلاس میں نائب وزیراعظم اسحاق ڈار کا پاکستان کی نمائندگی کا امکان ہے۔

الیکشن ایکٹ میں ترمیم مخصوص نشستوں کے فیصلے کو کالعدم نہیں کر سکتی، سپریم کورٹ

ذرائع نے بتایا کہ 26 ترمیم کے حوالے سے کسی مثبت پیش رفت کی صورت میں ہی نائب وزیراعظم اسحاق ڈار کل بحرالکاہل میں جزیرہ سموعہ کے لیے روانہ ہونگے۔

بھارتی وزیرخارجہ جے شنکر بھی دولت مشترکہ سربراہی اجلاس میں شرکت کرینگے۔ اسحاق ڈار کی روانگی کی صورت میں پاک بھارت وزرائے خارجہ ایک بار پھر مامووا میں اکٹھے ہوں گے۔