کراچی کے موسم کے حوالے سے محکمہ موسمیات کی اہم پیشگوئی سامنے آئی ہے۔

محکمہ موسمیات کے مطابق کراچی میں آئندہ چار سے پانچ روز کے دوران موسم گرم رہنے کا امکان ہے۔

محکمہ موسمیات کے مطابق 4 سے 5 روز کے دوران درجہ حرارت 39 ڈگری سینٹی گریڈ تک رہنے کا امکان ہے۔

محکمہ موسمیات نے بتایا کہ اس دوران سمندری ہوائیں دن کے بیشتر حصے میں بند رہیں گی، زیادہ تر شمال مغرب اور شمال مشرق سے گرم اور خشک ہوائیں چل سکتی ہیں۔

اس کے علاوہ سندھ کے مختلف علاقے بھی گرمی کی لپیٹ میں رہیں گے۔

محکمہ موسمیات نے مزید کہا کہ 20 اور 21 اکتوبر کو عمرکوٹ، تھرپارکر کے اضلاع میں کہیں کہیں آندھی اور گرج چمک کے ساتھ بارش کا امکان ہے۔