اسرائیلی فوج نے جنوبی لبنان میں حزب اللہ کے کمانڈر جلال مصطفیٰ حریری کو قتل کرنے کا دعویٰ کیا ہے۔

اسرائیلی فوج کے ترجمان اویچے ادرائی نے ایکس پر اعلان کیا کہ اسرائیلی فضائیہ نے جنوبی لبنان کے شہر قنا میں ایک فضائی حملہ کیا، جس میں حزب اللہ کے قنا سیکٹر کے کمانڈر جلال مصطفیٰ حریری مارے گئے۔

برطانیہ کا دو اہم اسرائیلی وزرا پر پابندیوں کا عندیہ، فرانسیسی ملٹری شو میں اسرائیلی کمپنیوں کی شرکت پر پابندی

انہوں نے مزید کہا کہ ’حریری قنا کے علاقے سے شروع ہونے والے اسرائیل کے ہوم فرنٹ کے خلاف متعدد کارروائیوں کی منصوبہ بندی اور ان پر عمل درآمد کرنے کے ذمہ دار تھے۔ ان کے ساتھ حزب اللہ کے دو دیگر سینئر اہلکار بھی مارے گئے جو کہ قنا میں حزب اللہ کے توپ خانے کے سربراہ اور ٹینک شکن میزائلوں کے سیکٹر کمانڈر تھے‘۔