ویمینز ٹی ٹوئنٹی ورلڈ کپ میں پاکستان سیمی فائنل کی دوڑ سے باہر ہوگیا۔ نیوزی لینڈ نے پاکستان کو 54 رنز سے شکست دے دی۔

111 رنز کے ہدف کے تعاقب میں پاکستانی ٹیم صرف 56 کے ٹوٹل پر ڈھیر ہوگئی۔ نیوزی لینڈ نے پہلے بیٹنگ کی۔ سوزی بیٹز نے 28، بروک ہیلیڈے نے 22 اور سوفی ڈیوائن نے 19 رنز اسکور کیے۔

نشرح سندھو نے 18 رنز دے کر 3 جبکہ عمیمہ سہیل اور سعدیہ اقبال نے ایک ایک کھلاڑی کو آؤٹ کیا۔

ہدف کے تعاقب میں پاکستان کی فاطمہ ثنا نے 21 اور منیبہ علی نے 15 رنز اسکور کیے۔ نیوزی لینڈ کی ایمیلیا کر نے 14 رنز دے کر 3، ایڈن کارسن نے 7 رنز دے کر 2 اور لی ٹیہوہو نے 8 رنز دے کر ایک وکٹ حاصل کی۔

بھارتی ٹیم کے سیمی فائنل میں پہنچنے کا مدار اس بات پر تھی کہ پاکستانی ٹیم نیوزی لینڈ کو ہراتی۔ بھارتی ٹیم بھی گروپ کے مرحلے ہی میں ٹورنامنٹ سے باہر ہوگئی۔ ایسا آٹھ سال میں پہلی بار ہوا ہے۔