ننکانہ صاحب میں تھانہ بڑا گھر کےعلاقے میں اشتہاری ملزم کی فائرنگ سے پولیس کانسٹیبل شہید ہوگیا۔

پولیس کے مطابق مقتول کانسٹیبل رائے طارق پولیس لائن ننکانہ ڈیوٹی پر جارہا تھا۔ قتل کے اشتہاری ملزم اختر نے بچیکی روڈ پر گھات لگاکر فائرنگ کی۔

ملزم اختر 16 ماہ قبل مقتول کانسٹیبل کے بڑے بھائی رائے شرافت کو بھی زمین کے تنازع پر قتل کرکے فرار ہوگیا تھا۔ مقتول اس مقدمے کا گواہ تھا۔ آئی جی پنجاب نے آر پی او شیخوپورہ سے رپورٹ طلب کرلی۔