کوئٹہ میں اختیارات کا غلط استعمال کرنے پر پولیس نے کارروائی کرتے ہوئے شہری سے 93 لاکھ روپے لینے پر 2 ایس ایچ اوز معطل کردیئے۔

معطل افسران میں ایس ایچ او قائد آباد اور ایچ او انڈسٹریل شامل ہیں۔

پولیس کا کہنا ہےکہ ملزمان نجی گودام سے کروڑوں کا سامان بھی لے گئے تھے۔ دونوں ملزمان نے موقع سے 5 افراد کوحراست میں لیا تھا۔

دونوں افسران نے حراست میں لیے گئے افراد کی رہائی کیلئے 68 لاکھ روپے لیے تھے جبکہ دفتر سے 25 لاکھ روپے بھی چرائے تھے۔

ڈی آئی جی کوئٹہ نےافسران کومعطل کرکےانکوائری کا حکم دےدیا ہے۔