پاکستان کرکٹ ٹیم کے سابق ہیڈ کوچ بھی قومی کھلاڑیوں کی کارکردگی پر فکرمند ہوگئے۔

سوشل میڈیا پر جاری ایک بیان میں سابق ہیڈ کوچ نے کہا کہ حد سے زیادہ تشہیر سے کھلاڑی اپنے آپ کو حقیقی پوزیشن سے بلند سمجھنے لگتے ہیں۔

مکی آرتھر نے اپنے خیالات کا اظہار کرتے ہوئے کہا کہ میڈیا اور بعض حلقوں سے چلنے والی منفی باتیں اور ایجنڈے ٹیم کے حق میں ٹھیک نہیں۔

پی سی بی نے شان مسعود کو ٹیسٹ ٹیم کی کپتانی سے ہٹانے کا فیصلہ کرلیا

انہوں نے کہا کہ پاکستان کے کھلاڑی باصلاحیت ہیں، انہیں مستقل مزاجی، مناسب ماحول اور بہتر انتظامی ڈھانچہ دیا جائے۔

مکی آرتھر کا مزید کہنا تھا کہ کھلاڑیوں کو اچھا ماحول ملے گا تو وہ بہترین کارکردگی دکھائیں گے۔

واضح رہے ملتان میں کھیلے گئے پہلے ٹیسٹ میچ میں انگلینڈ نے پاکستان کو اننگز اور 47 رنز سے عبرتناک شکست دے کر 3 میچز کی سیریز میں 0-1 کی برتری حاصل کی تھی۔