اسکول تعلیم حاصل کرنے کی جگہ ہوتی ہے لیکن کبھی کبھار ایسی ویڈیوز سامنے آتی ہیں جن میں اساتذہ یا اسکول کے عملے کو اپنے اختیارات کا غلط استعمال کرتے دیکھا جاتا ہے۔

بھارت کے سرکاری اسکول کی ایک پریشان کن ویڈیو وائرل ہوئی جس میں کچھ طلبا کو خاتون ٹیچر کی ٹانگوں کا مساج کرتے ہوئے دیکھا گیا جس کے بعد سوشل میڈیا پر خاتون ٹیچر کو کڑی تنقید کا نشانہ بنایا جارہا ہے۔

امریکی ٹیچر کو طالبِ علم سے جنسی تعلق کے مقدمے کا سامنا

بھارتی میڈیا رپورٹس کے مطابق واقعہ بھارتی ریاست راجستھان کے شہر جے پور کے گورنمنٹ ہائر پرائمری اسکول میں پیش آیا، ویڈیو میں سرکاری اسکول کی حالت پر تشویش کا اظہار کیا گیا۔

اسکول پرنسپل نے خاتون ٹیچر کے ہاتھ پر کاٹ لیا، ویڈیو وائرل

صارفین سمیت دیگر اسکول اساتزہ کی جانب سے واقعے پر ناراضی کا اظہار کیا گیا۔ مبینہ طور پر فلمائی گئی اس ویڈیو میں ٹیچر کو کلاس روم میں لیٹے ہوئے دکھایا گیا۔

رپورٹ کے مطابق اسکول کی پرنسپل، انجو چودھری نے وائرل ویڈیو پر کہا کہ وہ اس واقعے سے لاعلم ہیں۔ ان کا اس واقعے سے متعلق وضاحت پیش کرتے ہوئے کہنا تھا کہ ہوسکتا ہے کہ ٹیچر کی طبیعت ناساز ہو اور انہوں نے طلبہ سے پیروں کی مالش کرنے کی درخواست کی ہو۔ تاہم، انہوں نے مزید کہا کہ حقیقت کا تعین کرنے کے لیے معاملے تحقیقات کرائی جائیں گی۔