چین کے وزیراعظم لی چیانگ کی پاکستانی پارلیمنٹ سے خطاب کی ممکنہ تاریخ سامنے آگئی۔ چینی وزیراعظم کے ممکنہ خطاب پر پارلیمنٹ کے دونوں ایوانوں کا مشترکہ اجلاس 14 اکتوبر کو متوقع ہے۔

ذرائع کے مطابق چین کے وزیراعظم شنگھائی تعاون تنظیم کے سربراہ حکومت اجلاس میں شرکت کے لئے پاکستان آرہے ہیں، چین کے وزیراعظم 14 اکتوبر کو پارلیمان کے مشترکہ اجلاس سے خطاب کر سکتے ہیں۔

ذرائع نے یہ بھی بتایا ہے کہ مشترکہ اجلاس کی تیاریوں کیلئے سینٹ وقومی اسمبلی اسٹاف کی 14 سے 16 اکتوبرکی چھٹیاں منسوخ کر دی گئیں ہیں۔ جبکہ چینی وزیراعظم کے خطاب کا حتمی فیصلہ اگلے چند روز تک کیا جائے گا۔