بالی ووڈ کے لیجنڈری اداکارامیتابھ بچن نے سکھ برادری سے اپنے تعلق اور اپنے سکھ نام کے بارے میں انکشاف کیا۔

بھارتی میڈیا کے مطابق امیتابھ بچن نے اپنے مقبول کوئز پروگرام ’کون بنے گا کروڑ پتی‘ میں گفتگو کرتے ہوئے بتایا کہ مجھے بین المذہب یا برادری سے باہر شادی کہنا بہت عجیب لگتا ہے، میرے نزدیک تو سب لوگ برابر ہیں۔

کترینہ کیف نے وکی کوشل سے محبت سے متعلق شاہ رخ خان کو کیا شیئرکیا تھا؟

امیتابھ بچن نے کہا کہ میرے والدین کی لو میرج تھی۔ میرے والد اتر پردیش سے ہیں ،جبکہ میری والدہ سکھ برادری سے ہیں۔ اور اسی وجہ سے میں خود کو آدھا سردار سمجھتا ہوں۔

بگ بی نے مزید کہا کہ میرے والد بھی ذات برادری پر یقین نہیں رکھتے تھے انہوں نے اپنا قلمی نام بھی بچن رکھا تھا۔

امیتابھ بچن نے کہا کہ بچپن میں میری خالہ مجھے امیتابھ سنگھ پکارتی تھی اس طرح میرا ایک اورنام امیتابھ سنگھ بھی ہے۔

یاد رہے کہ امیتابھ بچن کے والد ہری ونش رائے بچن ہندی زبان کے مشہور شاعر تھے، اُنہیں 1976 میں پدم بھوشن سے نوازا گیا جبکہ اداکار کی والدہ تیجی بچن سکھ خاندان سے تعلق رکھنے والی سماجی کارکن تھیں۔

والدین کی طرح امیتابھ بچن نے بھی محبت کی شادی کی تھی۔ امیتابھ بچن اور جیا بچن نے جون 1973 میں شادی کی تھی۔ دونوں کا تعلق مختلف ذات اور ثقافت سے تھا، جس کی وجہ سے لوگوں کی کافی باتیں بھی سُنیں۔ اس جوڑے کا ایک بیٹا ابھیشیک بچن اور ایک بیٹی شویتا بچن ہے۔