پاکستان تحریک انصاف کے انفارمیشن سیکریٹری شیخ وقاص اکرم نے پی ٹی آئی کے آئندہ کئے جانے والے مظاہروں اور احتجاج کی تفصیلات بتا دی ہیں۔

آج نیوز کے پروگرام ”نیوز انسائٹ وِد عامر ضیاء“ میں بات کرتے ہوئے شیخ وقاص اکرم نے کہا کہ ہمارا ایک احتجاج کل بدھ کو بہاولپور، فیصل آباد اور میانوالی میں ہے، کل ہی سپریم کورٹ کے سامنے وکلاء کا احتجاج بھی ہے، چار اکتوبر کا اسلام آباد کے ڈی چوک میں احتجاج ہے اور پانچ اکتوبر کو لاہور میں احتجاج کیا جائے گا۔

ان کا کہنا تھا کہ احتجاج ہمارا حق ہے، اسلام آباد میں احتجاج کے حوالے سے قانون سازی درست نہیں ہے۔

انہوں نے کہا کہ ہمارے اس وقت ہونے والے احتجاج آزاد عدلیہ، آئین کے تحفظ اور مہنگائی کے خلاف ہے۔

شیخ وقاص اکرم نے کہا کہ مجوزہ آئینی ترمیم صرف پاکستان تحریک انصاف کو بین کرنے اور ہماری قیادت اور ورکرز کا ملٹری ٹرائل کرنے کیلئے کی جا رہی ہے۔

وقاص اکرم کی وضاحت: بیرسٹر گوہر کو ہٹانے کا فیصلہ معمہ بن گیا

احتجاج کیخلاف انتظامیہ نے کمر کس لی

دوسری جانب پی ٹی آئی کے ڈی چوک اسلام آباد میں متوقع احتجاج کے اعلان کے بعد جڑواں شہروں کی پولیس اور انتظامیہ نے بھی کمر کس لی ہے، جڑواں شہروں کے سنگم فیض آباد میں کینٹیرز کی پکڑ دھکڑ شروع ہوگئی ہے۔

پولیس نے فیض آباد فلائی اوور پر درجن سے زائد کینٹینرز روک لئے۔