وفاقی حکومت نے سنگجانی جلسے میں کی جانے والی تقاریر پر پاکستان تحریک انصاف (پی ٹی آئی) کے رہنماؤں کے خلاف بغاوت کا مقدمہ درج کرنے کا فیصلہ کیا ہے۔

ذرائع کے مطابق حکومت نے 8 ستمبر کو اسلام آباد کے علاقے سنجگانی میں ہونے والے تحریک انصاف کے جلسے میں کی گئی تقاریر پر ایکشن لینے کا فیصلہ کیا ہے، جس کے تحت تقاریر کرنے والے رہنماؤں کے خلاف بغاوت کے مقدمے درج کیے جائیں گے۔

جماعت اسلامی کی ’حق دو عوام کو‘ تحریک مہنگی پڑ گئی، مقدمہ درج

ذرائع کے مطابق حکومت کی جانب سے وزارت قانون کی وساطت سے بغاوت کا مقدمہ ضابطہ فوجداری کے سیشن 196 درج کرنے کا فیصلہ کیا گیا ہے، آئین کی یہ شق ناقابل ضمانت ہے جبکہ گرفتاری کیلئے پولیس کو بھی وارنٹ کی ضرورت نہیں ہوگی۔

پی ٹی آئی میں اختلافات: عمران خان کا بڑے عہدے کی قربانی دینے کا فیصلہ

ذرائع کا کہنا ہے کہ وزارت قانون اوروفاقی پراسیکیوٹر جنرل دونوں نے بغاوت کا مقدمہ درج کرنے کے فیصلے کی توثیق کردی ہے، جس کے بعد وفاقی کابینہ سے منظوری لی جائے گی اور پھر باقاعدہ پی ٹی آئی قیادت کے خلاف درخواست دی جائے گی۔