پشاور ہائیکورٹ نے خیبر پختونخوا بھر میں 165 ججوں کی تقرری و تبادلے کر دیے۔

چیف جسٹس پشاور ہائیکورٹ جسٹس اشتیاق ابراہیم کی منظوری کے بعد صوبہ خیبر پختونخوا میں 165 ججوں کی تقرری و تبادلوں سے متعلق اعلامیہ جاری کیا گیا۔

پشاور ہائیکورٹ کے اعلامیے کے مطابق مقرر و تبادلہ کیے گئے ججوں میں 50 ایڈیشنل سیشن ججز اور 16 سیشن ججز شامل ہیں۔

اعلامیے کے مطابق 75 سول ججز اور 24 سینئر سول ججز کے بھی تبادلے کر دیے گئے ہیں۔