یہ بات بہت عجیب ہے کہ معروف اسکرین رائٹر کرسٹوفر نولن اپنے اسکرپٹ سُرخ کاغذ ہی پر لکھتے ہیں۔

امریکن ٹی وی شو 60 منٹ میں میزبان سیلین مرفی کے سوالوں کے جواب دیتے ہوئے کرسٹوفر نولن نے فلم اوپنہائمر کا اصل اسکرپٹ بھی دکھایا جو سُرخ کاغذ پر تھا۔

سرخ کاغذ پر سیاہ روشنائی سے کچھ لکھیے تو بہت مشکل سے پڑھا جاتا ہے۔ عام طور پر دنیا بھر میں بلیک اینڈ وائٹ پرنٹ ہی چلتا ہے۔

اس میں کوئی شک نہیں کہ سرخ کاغذ پر سیاہ روشنائی والی تحریر پڑھنے میں فلم میں کام کرنے والوں کو مشکلات کا سامنا کرنا پڑتا ہے مگر کرسٹوفر نولن مطمئن رہتے ہیں۔

اس صورت میں اُسے آسانی سے کاپی نہیں کیا جاسکتا اور یوں فلم کی ریلیز سے قبل اسکرپٹ کے لیک ہو جانے کا خطرہ بھی ٹلا رہتا ہے۔ فلمی دنیا میں کسی بھی اسکرپٹ کو لیک کرنے کا چلن عام ہے۔ کبھی کبھی اگر پورا اسکرپٹ لیک نہ ہو تب بھی چند ایک سین اور اچھے جملے ضرورت لیک ہو جاتے ہیں۔

2014 کی فلم ’انٹراسٹیلر‘ کی اداکارہ جیسیکا چیسٹین نے بھی فلم کا اصل اسکرپٹ دکھایا تھا جو سرخ کاغذ پر سیاہ روشنائی کا حامل تھا۔