مداحوں کی پسندیدہ جوڑی فرحان سعید اور عروہ حسین بلآخر اپنی بیٹی کا چہرہ دنیا کے سامنے لے آئے۔

اداکار جوڑی کی تصاویر اور ویڈیوز سوشل میڈیا پر وائرل ہو رہی ہیں جس میں انہیں لندن میں فوٹو شوٹ کراتے دیکھا گیا۔

بتایا گیا ہے کہ فنکار جوڑی کے بیرونِ ملک ایوارڈ شو میں شرکت کے سلسلے میں تصاویر اور ویڈیوز بنائی گئی ہیں۔

عروہ اور فرحان نے اپنے سوشل میڈیا اکاؤنٹ انسٹاگرام پر نئی ویڈیوز شیئر کی ہیں۔

ویڈیو کے کیپشن میں عروہ اور فرحان نے لکھا ’آج رات پھر سے ہم 3 ہیں‘۔

عروہ اور فرحان سعید کی ویڈیوز میں انہیں لندن کے خوبصورت مقام پر ویڈیو شوٹ کرواتے دیکھا گیا ساتھ ہی اس جوڑی نے پہلی بار اپنی بیٹی کا چہرہ بھی اپنے مداحوں کے ساتھ شیئر کیا ہے۔

خیال رہے کہ عروہ حسین اور فرحان سعید کی شادی دسمبر 2016 میں ہوئی تھی۔

دونوں کے ہاں بیٹی کی پیدائش رواں برس کے آغاز پر 3 جنوری کو ہوئی تھی، اکتوبر 2023 میں جوڑے کی جانب سے پہلے بچے کی متوقع آمد کا اعلان کیا گیا تھا۔