سوات میں پولیس موبائل پر دھماکہ خیز مواد سے حملہ، ایک اہلکار دم توڑ گیا، 3 زیر علاج
خیبرپختونخوا کے ضلع سوات میں مالم جبہ روڈ پر پولیس موبائل پر دھماکہ خیز مواد سے حملہ کیا گیا ہے، جس کے نتیجے میں چار پولیس اہلکار زخمی ہوئے، تاہم، دوران علاج ایک زخمی اہلکار برہان خان دم توڑ گیا۔
پولیس موبائل پر حملہ جہان آباد کے قریب کیا گیا ہے۔
حکام کے مطابق پولیس نے پورے علاقے کو گھیرے میں لے لیا ہے۔
راولپنڈی میں ڈاکوؤں کی پولیس پر فائرنگ، جوابی کارروائی میں ایک ڈاکو ہلاک
چار میں سے ایک اہلکار کے دم توڑنے کے بعد اب تین اہلکار سرزمین، حسین گل اور امان اللہ زیر علاج ہیں۔
وفاقی وزیرِ داخلہ محسن نقوی نے سوات میں پولیس وین پر ہوئے دھماکے کی مذمت کرتے ہوئے شہید ہونے والے پولیس کانسٹیبل برہان خان کو خراج عقیدت پیش کیا۔
وزیر داخلہ نے شہید اہلکار برہان خان کے خاندان سے دلی ہمدردی اور اظہار تعزیت کرتے ہوئے زخمی اہلکاروں کی جلد صحتیابی کیلئے دعا کی ہے۔
خیال رہے کہ ملک میں یہ آج پولیس پر ہونے والا دوسرا حملہ ہے، قبل ازیں، بلوچستان کے علاقے ژوب میں پولیس کی گاڑی پر مسلح افراد کے حملے میں انسداد دہشت گردی فورس (اے ٹی ایف) کے 3 اہلکار شہید ہوئے ہیں۔