چارسدہ میں دیرینہ دشمنی کے بنا پر مخالفین نے فائرنگ ایک ہی گھر کے 4 افراد کی جان لے لی ۔

واقعہ تھانہ بٹگرام کی حدود کوٹک میں پیش آیا، پولیس کے مطابق فائرنگ سے جانبحق ہونے والے افراد میں باپ اور تین بیٹے شامل ہیں جبکہ واقعہ میں ایک راہ گیر بھی رخمی ہو گیا ہے۔

ریسکیو اہلکاروں نے لاشوں کو ٹی ایچ کیو شبقدر منتقل کر دیا ہے۔ جبکہ زخمی ہونے والے شخص کو تشویشناک حالت میں پشاور منتقل کیا گیا ہے۔

پولیس کا کہنا ہے کہ فائرنگ کرنے والے ملزمان فرار ہونے میں کامیاب ہو گئے ہیں جن کے لئے چھاپے مارے جا رہے ہیں۔

دوسری جانب وادی تیراہ میں زمینی تنازع پر دو گروپوں کے درمیان بھی فائرنگ کا واقعہ سامنے آیا۔

فائرنگ کے نتیجے میں تین افراد جاں بحق ہو گئے پولیس کے مطابق ایک فریق سے زرمہ جان اور معراج جبکہ دوسرے فریق سے عقل خان نامی شخص جاں بحق ہوا۔

پولیس جائے وقوعہ پر پہنچ کر لاشوں کو پوسٹ مارٹم کے لئے اسپتال منتقل کر دیا ہے۔