شہباز شریف سے آج روس کے نائب وزیراعظم الیکسی اوورچوک کی ملاقات ہوئی، وزیراعظم شہباز شریف نے نائب وزیراعظم اوورچک اور انکے وفد کا وزیراعظم ہاؤس میں خیرمقدم کیا۔

وزیراعظم نے کہا کہ اگلے ماہ اسلام آباد میں روسی وزیراعظم مشسٹن کے استقبال کے منتظر ہیں۔ روس کے ساتھ مضبوط تعلقات پاکستان کی خارجہ پالیسی کی اہم ترجیحات میں سے ہے، پاک روس کیساتھ تجارتی، اقتصادی اور سیکورٹی تعاون کو وسعت دینے کا خواہشمند ہے۔

نائب وزیراعظم اوورچک نے روس کے پاکستان کے ساتھ تعلقات کو مزید مستحکم کرنے کے عزم کا اعادہ کیا۔

وزیراعظم نے دوطرفہ تعاون میں مزید توسیع پراعلیٰ سطحی وفد بھیجنے پر صدر پیوٹن کا شکریہ ادا کیا جبکہ دونوں فریقین نے باقاعدہ رابطے برقرار رکھنے پر بھی اتفاق کیا۔