بھارتی موسیقار اور گلوار سلیم مرچنٹ نے بین االاقوامی شہرت یافتہ اور پاکستان کی صف اول کی صوفی گلوکارہ عابدہ پروین سے ملاقات کی۔

سلیم مرچنٹ نے انسٹاگرام پر اپنے آفیشیل اکاونٹ پر گلوکارہ عابدہ پروین سے اپنی ملاقات کی تصاویر شیئر کیں۔

کرینہ کپور نے اپنے بیٹے تیمور علی خان کی دلچسپ باتیں شیئر کر دیں

سلیم مرچنٹ نے اپنی پوسٹ میں لکھا کہ، گذشتہ روز مجھےصوفی موسیقی کی بے تاج ملکہ عابدہ پروین سے ملاقات کا شرف حاصل ہوا۔

بھارتی موسیقار نےعابدہ پروین سے ملاقات کو روحانی لمحات قرار دے دیتے ہوئے کہا کہ میں عابدہ پورین کی اہل بیت سے محبت سے بہت متاثر ہوا ہوں، اور انکے روح پرور کلام سے ہماری یہ عام سی شام خاص بن گئی ہے۔

اس موقع پر سلیم مرچنٹ نےاپنے اور عابدہ پروین کے دس سالہ پرانے پروجیکٹ کو بھی یاد کیا۔ انہوں نے کہا کہ عابدہ پروین سے جب بھی ملو ایسا لگتا ہے یہ پہلی ملاقات ہو، مجھے ایسا لگ ہی نہیں رہا کہ میں نے ان کے ساتھ دس سال پہلے اپنا کلام ’نور الہی‘ ریکارڈ کیا تھا۔ ایسا لگتاہے ، جیسے کل کی ہی بات ہو۔