امریکی ریاست اوہایو کی اُس خاتون کو اب اس بات پر سخت پچھتاوا ہے کہ اُس نے فیس بک پر ایک پوسٹ میں ہیٹی سے تعلق رکھنے والے تارکینِ وطن کے بارے میں یہ افواہ پھیلائی کہ وہ پڑوسیوں کے پالتو جانور کھا جاتے ہیں۔

اسپرنگفیلڈ، اوہایو سے تعلق رکھنے والی خاتون کی پھیلائی ہوئی افواہ کو سابق صدر اور ری پبلکن صدارتی امیدوار ڈونلڈ ٹرمپ اور اُن کے نائب کے منصب کے امیدوار جے ڈی وانس لے اڑے اور ٹرمپ نے اس حوالے سے ایسے بیان داغ دیے کہ ہیٹی سے تعلق رکھنے والے تارکینِ وطن کے خلاف محاذ سا کھڑا ہوگیا۔

فیس بک کی پوسٹ کو بنیاد بناکر ڈؑونلڈ ٹرمپ اور جے ڈی وانس نے خود بھڑکتے پھڑکتے بیانات داغے اور تارکینِ وطن کے خلاف فضا تیار کردی۔ اب متعلقہ خاتون کی طرف سے اظہارِ تاسف کے بعد ڈونلڈ ٹرمپ اور جے ڈی وانس کے پاس اس معاملے کو مزید اچھالنے کی گنجائش نہیں۔