وزیر دفاع خواجہ آصف کا کہنا ہے کہ پاکستان پیپلز پارٹی کے چئیرمین بلاول بھٹو اور وزیر داخلہ محسن نقوی ایک ہی ڈرافٹ پر مولانا فضل الرحمان سے مل رہے ہیں، بلاول سے ہماری روزانہ کی بنیاد پر ملاقات ہورہی ہے، ہم ایک پیج پر ہیں۔

خیال رہے کہ مولانا فضل الرحمان نے بدھ کو پی ٹی آئی رہنماؤں سے ملاقات کے بعد آئینی ترامیم کا مسودہ مکمل طور پر مسترد کرنے کا اعلان کیا تھا، جس کے بعد محسن نقوی کی سربراہی میں حکومتی وفد ان کے گھر جا پہجنچا تھا اور مختصر ملاقات کی تھی۔

عمران خان نے آئینی ترامیم پر فضل الرحمان کے کردار پر شک کا اظہار کردیا

خواجہ آصف نے اپنے ایک بیان میں کہا کہ مولانا فضل الرحمان سے میرا بہت قریبی تعلق ہے، ہمارا ٹارگٹ متفقہ مسودہ لانا ہے، ہمارے اور مولانا فضل الرحمان کے راستے جدا نہیں، ہم نے بہت زیادہ وقت ایک ساتھ گزارا ہے۔

انہوں نے کہا کہ مولانا فضل الرحمان زیرک سیاست دان ہیں، میں سمجھتا ہوں کہ کوئی نہ کوئی گنجائش نکل آئے گی۔

ریٹائرمنٹ عمر میں توسیع پیکج کا حصہ ہی نہیں، جو پیکج گردش کر رہا ہے وہ عارضی ہے، وزیر قانون

خواجہ آصف نے کہا کہ میثاق جمہوریت پر بانی پی ٹی آئی نے بھی دستخط کیے تھے، دنیا بھر کی جمہوریتوں میں آئینی عدالتیں موجود ہیں، عدالتوں پر بوجھ بڑھتا جارہا ہے، 27 لاکھ کیسز تاخیر کا شکار ہیں، ہم کیسز حل کرکے عوام کیلئے آسانی کرنا چاہتے ہیں۔