بھارت کے شہر کانپور کے ایک مندر کی ویڈیو وائرل ہوئی ہے جس میں دیکھا جاسکتا ہے کہ ایک شخص مندر میں داخل ہوا، پوجا کی اور پھر پیتل کا گھڑا لے کر چلتا بنا۔

ویڈیو میں دیکھا جاسکتا ہے کہ نواب گنج کے علاقے میں چور نے پہلے اِدھر اُدھر دیکھا، گلی کے ماحول سے مطمئن ہونے کے بعد اُس نے پوجا کی، شِو لنگ پر پانی ڈالا۔ پانی کا گھڑا شِو لِنگ کے اوپر ہی رسی سے بندھا ہوا تھا۔

چور نے مندر کا گھنٹہ چرانے کی کوشش کی کیونکہ پیتل کا گھنٹہ خاصا وزنی تھا اور اُسے بیچنے پر اچھی خاصی رقم ہاتھ لگتی۔ جب گھنٹہ نہ ٹوٹا تو چور نے شِو لنگ پر لٹکا ہوا پیتل کا گھڑا ہی نکالا اور اپنے بیگ میں ڈال کر چمپت ہوگیا۔