ٹیکس اور ڈیوٹی کے باوجود چمن کے تاجروں کو افغانستان سے پیاز کی درآمد میں رکاوٹوں کا سامنا ہے، جس کے باعث پاکستان میں پیاز کی قلت اور قیمت میں مزید اضافے کا خدشہ ہے۔

درآمد کنند گان کے مطابق گڑنگ چیک پوسٹ اور شیلا باغ چیک پوسٹ پر پیاز اور انگور سے لدے ٹرکوں کو روکا جا رہا ہے، کلیئرنس کے لیے 5 ہزار روپے اضافی طلب کیے جا رہے ہیں۔

تاجروں نے پیاز کی درآمد آسان بنانے کے لیے حکومت سے فوری مداخلت کا مطالبہ کیا ہے، پاکستان میں پیاز کی قیمت ڈیڑھ سو روپے کلو تک پہنچ چکی ہے، درآمدات میں تعطل سے قیمت مزید بڑھ سکتی ہے۔