بنوں میں پی ٹی آئی ورکرز اپنے وزیر اعلیٰ علی امین گنڈا پور کے خلاف میدان میں آگئے وزیر اعلیٰ کے خلاف نعرے بازی کرتے مظاہرین نے وزیر اعلیٰ پر روزگار چھیننے کا الزام عائد کیا۔

سابقہ ٹرانسپورٹ ملازمین اور پی ٹی آئی ورکرز نے وزیراعلیٰ کے خلاف مظاہرہ کیا، مظاہرہ بنوں پریس کلب کے سامنے کیا گیا۔

مظاہرین نے الزام عائد کیا کہ عمران خان نوجوانوں کو روزگار دے رہے تھے لیکن وزیر اعلیٰ کے پی نے ہمارا روزگار چھین لیا ہے۔

مظاہرین نے کہا علی امین گنڈاپور عمران خان کے ویژن کے خلاف جا رہے ہیں، مظاہرین نے علی امین گنڈاپور کے خلاف نعرے بازی بھی کی۔