بھارت کے وزیرِاعظم نریندر مودی نے عید میلادالنبیﷺ کے موقع پر بھارت سمیت دنیا بھر کے مسلمانوں کو مبارک باد پیش کی ہے۔

سوشل میڈیا پلیٹ فارم ایکس پر اپنے ایک پیغام میں نریندر مودی نے ہم آہنگی، خوش حالی، ترقی اور اتحاد و یگانگت کے لیے دعا کی۔ انہوں نے لکھا کہ میں اس پرمسرت موقع پر تمام مسلمانوں کو مبارک باد پیش کرتا ہوں۔

بھارت میں ربیع الاول کا چاند 4 ستمبر کو نظر آگیا تھا اس لیے وہاں آج (پیر کو) عید میلادالنبیﷺ منائی جارہی ہے۔