راولپنڈی جوڈیشل کمپلیکس میں ملزمان کومبینہ ٹک ٹاک بنانا مہنگا پڑگیا۔ متاثرین اور پولیس کے درمیان بخشی خانے کے قریب لڑائی جھگڑا اور ہاتھ پائی ہوئی۔

جوڈیشل کمپلیکس آئے متاثرین ملزمان کے ٹک ٹاک بنانے پر آگ بگولہ ہو گئے۔

متاثرین نے الزام عائد کیا کہ پولیس نذرانہ لے کر ملزمان کو ٹک ٹاک بننے کی اجازت دیتی ہے۔

جس کے بعد جوڈیشل کمپلیکس میدان جنگ بن گیا، درجنوں افراد نے پولیس اہلکاروں کو گھیر لیا، گالی گلوچ کی اور ہاتھا پائی بھی ہوئی۔