ایڈیشنل ڈسٹرکٹ اینڈ سیشن جج ملیر نےپولیس اہلکار پر منشیات کی اسمگلنگ کا جرم ثابت ہونے پرعدالت نے تھانہ گلشن معمار کے اے ایس آئی محمد عمران کو 14 سال قید کی سزا سنادی، عدالت نے ملزم پرچارلاکھ روپے جرمانہ بھی عائد کردی۔

ملزم کوگزشتہ سال مارچ میں فقیرا گوٹھ سے مشکوک حرکات پر گرفتار کیا گیا اور تھانہ سائٹ سپر ہائی وے میں مقدمہ درج کیا گیا تھا، جس کے بعد ایڈیشنل ڈسٹرکٹ اینڈسیشن جج ملیر نے جرم ثابت ہونے پر اے ایس آئی محمد عمران کو14سال قیدکی سزاسنادی۔ ملزم پر 4 لاکھ روپے جرمانہ بھی عائد کردیا جرمانے کی عدم ادائیگی پرملزم کو 5 ماہ قید کاٹنا ہوگی۔

عدالت کے مطابق ملزم پولیس اہلکار ہے تو اس حکمنامہ کی کاپی آئی جی سندھ کوبھی ارسال کی جائے گی۔

پولیس افسران کا منشیات کی روک تھام کی بجائے اس میں ملوث ہونا تشویشناک ہے ملزم نے دوران ٹرائل صحت جرم سے انکار کیا۔

اِستغاثہ کے مطابق ملزم سے 1 کلو گرام سے زائد چرس برآمد ہوئی، منشیات کے کیسز میں معمولی تضادات ملزم کو فائدہ نہیں دے سکتے۔