جاپان بلیوں کی محبت میں سب سے آگے نکل گیا۔ شیر کی خالہ سمجھی جانے والی بلیوں کو جاپان میں خاص اہمیت حاصل ہے۔

بلیوں کی معصومیت اور ان کی دلچسپ حرکات ہر انسانی آنکھ کو اچھی لگتیں ہیں۔ انہی معصومیت کو مد نظر رکھتے ہوئے جاپان میں مخصوص ’کیٹ کیفے‘ مقبولیت حاصل کر رہے ہیں۔

میڈیا رپورٹ کے مطابق کیٹ کیفے کا تصور 1990 کی دہائی کے آخر میں تائیوان میں شروع ہوا، 1998 میں تائی پے میں پہلی سرکاری جگہ کھلنے کے ساتھ۔ اس خیال نے تیزی سے مقبولیت حاصل کی اور پھر یہ عالمی سطح پر پھیل گیا۔

تاہم یہ جاپان ہی تھا جس نے حقیقی معنوں میں کیٹ کیفے کے رجحان کو قبول کیا، اسے نئی بلندیوں تک لے گیا اور اسے ملکی ثقافت کا ایک خاص حصہ بنا دیا۔

کیٹ کیفے کھولنے کی وجوہات اور مقصد

کیٹ کیفے نے جاپان میں کئی وجوہات کی بنا پر مقبولیت حاصل کی جن میں سے کچھ درج ذیل ہیں۔

جاپان میں سال 2002 سے 2012 کے درمیان تقریباً 150 سے زائد کیٹ کیفے کھولے گئے۔ اس سے ظاہر ہوتا ہے کہ جاپانی لوگ بلیوں سے کتنا پیار کرتے ہیں۔ ان کیفیس میں لوگ ایک کپ کافی یا چائے کے ساتھ آرام کر سکتے ہیں اور بلیوں کے ساتھ کھیل بھی سکتے ہیں۔ بلیوں کی کمپنی لوگوں کو بہتر اور کم تناؤ محسوس کرنے میں مدد کرتی ہے۔

جاپان میں بہت سے لوگ چھوٹے اپارٹمنٹس میں رہائش پزیر ہوتے ہیں اور اپنے ساتھ پالتو جانور رکھنے سے گریز کرتے ہیں۔ مگر کیٹ کیفے آپ کو اجازت دیتا ہے کہ وہ آپ اپنی بلی لے جا کر ان کے ساتھ وقت گزار سکتے ہیں۔

کیٹ کیفے میں بلیوں کے ساتھ کھیلنا لوگوں کو پرسکون اور آرام دہ ماحول فراہم کرتا ہے۔ یہی وجہ ہے کہ بہت سے آرام اور ذہنی سکون کی غرض سے کیٹ کیفے جانا پسند کرتے ہیں۔

اس کیفے میں موجود مختلف نسل کی 13 بلیاں موجود ہیں جن سے کھیل کر نا صرف تھکاوٹ دور کی جا سکتی ہے بلکہ ان کے ساتھ وقت گزار کر بلیوں کے شوقین افراد اپنا شوق بھی پورا کر سکتے ہیں۔