بالی ووڈ کے آئیکن امیتابھ بچن نے کئی سال پہلے نیویارک میں مشہور پاپ اسٹار مائیکل جیکسن کے ساتھ اپنی یادگار ملاقات کے بارے میں بات کرکے سب کو حیران کردیا۔

اپنے ٹی وی شو کون بنے گا کروڑ پتی سیزن 16 کے تازہ ترین ایپی سوڈ میں بتایا کہ وہ نیویارک کے ایک ہوٹل میں موجود تھے اور اس دوران دروازے پر دستک سنی اور جب دروازہ کھولا تو سامنے مائیکل جیکسن کو کھڑا پایا۔

امیتابھ بچن نے بتایا کہ “میں اسے ذاتی طور پر دیکھ کرحیران رہ گیا تھا اور تقریباً ہوش کھو بیٹھا تھا۔ امیتابھ بچن نے کہا انہیں لیجنڈری گلوکار سے ہاتھ ملانے سے پہلے خود کو ایک سنبھالنا پڑا تھا۔

انہوں نے مزید بتایا کہ ’مائیکل جیکسن کو دراصل احساس نہیں ہوا کہ وہ غلط کمرے کے سامنے کھڑے تھے، انہوں نے پوچھا کہ کیا یہ اس کا روم ہے اور جب انہیں معلوم ہوا تو اپنی غلطی کا احساس ہوا اور وہ چلے گئے۔

امتیابھ بچن نے بتایا کہ بعد میں پاپ اسٹار کی جانب سے ایک مختصر پرچی ملی جس میں انہیں مدعو کیا گیا اور یوں کچھ وقت ایک ساتھ گزارا۔

امیتابھ بچن نے مائیکل جیکسن کی بہت زیادہ شہرت کے باوجود ”ناقابل یقین حد تک شائستہ اور مہربان“ ہونے کی تعریف کی۔

واضح رہے کہ مائیکل جیکسن 25 جون 2009 کو چل بسے لیکن ان کی موسیقی آج بھی دنیا بھر کے مداحوں کے دل موہ لیتی ہے۔