گوجرانوالہ میں پولیس لیڈی کانسٹیبلان پر مشتمل پنک وہیلز فورس کا قیام عمل میں لایا گیا ہے۔

گوجرانوالہ پولیس کی جانب سے خواتین کے تحفظ کیلئے پنک وہیلز کے نام سے شاندار منصوبے کا آغاز کیا گیا ہے۔ پنک وہیلز کی ٹیم خواتین سے متعلق 15 کی تمام کالزاور وومن سیفٹی ایپ کی کال پر فسٹ رسپانڈر کا کردار ادا کرے گی.

پنک وہیلز کے لئے خواتین اہلکاروں کو موٹرسائیکل،باڈی کیم، موبائل ٹیپر، فسٹ ایڈباکس، اور چیک لسٹ سافٹ مہیا کردیے گئے ہیں. پنگ ہیلز لیڈی اسکواڈ۔پنک اسکوٹی پر جدید ٹیکنالوجی سے لیس ہوکر شہر کے معروف ۔تجارتی مقامات سمیت گرلز کالجز کے باہر گشت بھی کرے گا۔

شہری حلقوں نے پنک وہیلز منصوبے کو صنفی آزادی اور ترقی پسند سوچ کو عملی جامع پہنانے کی جانب اہم قدم قرار دیا ہے۔