کراچی کے علاقے پرانا گولیمار میں گزشتہ روز افسوفناک واقعہ پیش آیا جس میں مبینہ طور پر ذہنی معذور خاتون نے 8 سالہ بچے کو نالے میں پھینک دیا۔ بچے کی تلاش کے لیے ریسکیو ٹیموں کا آپریشن جاری رہا تاہم اب اطلاعات موصول ہوئی ہیں کہ بچے کی لاش تلاش کرلی گئی ہے۔

واضح رہے کہ اس بات کی تصدیق تاحال نہیں ہوسکی کہ مذکورہ خاتون ذہنی معذور تھیں یا سنگ دل خاتون نے شوہر سے دشمنی یا حالات کی تنگی کے باعث انتہائی قدم اٹھایا۔

ریسکیو حکام کا کہنا ہے کہ بچے کی لاش کو رسی کی مدد سے نالے سے باہر نکالا گیا ہے، بچے کے نالے میں گرنے کی اطلاع 7:13 بجے موصول ہوئی، رات ایک بجے تک بچے کی تلاش جاری رہی۔

ریسکیو حکام نے مزید بتایا کہ رات میں اندھیرے کے باعث آپریشن روک دیا گیا تھا تاہم صبح روشنی کے ساتھ آپرشن کو دوبارہ شروع کیا گیا، 15گھنٹے بعد بچے کی لاش نالے سے نکال لی گئی ہے۔

علاقہ مکین کے مطابق کل شام 5 بجے کے قریب بچہ نالے میں گرا تھا۔