قومی اسمبلی کے اجلاس میں رکن اسمبلی نواب یوسف تالپور نے مطالبہ کیا کہ سندھ کو معاہدے کے مطابق پانی فراہم کیا جائے۔

قومی اسمبلی کا اجلاس ڈپٹی سپیکر قومی اسمبلی سید مصطفیٰ شاہ کی سربراہی میں منعقد ہوا ہے ۔

سید نوید قمر نے کہا کہ ہمارے اراکین پانی کی تقسیم کے مسئلے پر بات کرنا چاہتے ہیں ان کو اجازت دی جائے۔

نواب یوسف تالپور نے کہا کہ ہمیں پہلے ہی پانی کی کمی کا مسئلہ ہےاب 4 اعشاریہ 8 ملین ایکڑ زمین کو پانی کی بات کی گئی ہے سندھ کی اجازت کے بغیر یہ بات کی گئی ہےمیری التجا ہے کہ سندھ کے مفاد اور پاکستان کے مفاد میں یہ باتیں نہیں ہونی چاہیں سندھ کو پہلے ہی پچاس فیصد کم پانی دیا جارہا ہے سندھ کی اجازت کے بغیر کسی نئی زمین کو پانی نہیں دینا چاہیے ۔