کراچی کے علاقے کیماڑی اینٹی اسٹریٹ کرائم سیل نے میوہ شاہ میں کارروائی کرتے ہوئے پولیس کو انتہائی مطلوب اور بیرون ملک سے آپریٹ کرنے والے گینگ وار کمانڈر ایاز زہری ڈکیت گروپ کے کارندے کو پولیس مقابلے میں گرفتارکرلیا۔

پولیس کے مطابق ملزم یوسف اسلحہ سمیت گرفتار ہوا ، جبکہ اس کا ساتھی فرار ہونے میں کامیاب ہو گیا ۔ فرار ملزم کی شناخت عبد الصمد کے نام سے ہوئی ہے۔

پولیس کا کہنا ہے کہ ملزم بھتہ خوری، ٹارگٹ کلنگ، ڈکیتی و دیگرسنگین جرائم میں ملوث ہے، ایاز زہری ولد محمد اقبال لیاری گینگ وار کا انتہائی مطلوب کمانڈر ہے، ایاز زہری کی گرفتاری پر سندھ حکومت نے 50 لاکھ روپے انعام مقرر کیا ہوا ہے، گینگ وار کمانڈر ایاز زہری 2014 میں بیرون ملک فرار ہو گیا تھا۔