نائیجیریا کے وسطی علاقے میں آئل ٹینکر کے ایک گاڑی سے ٹکرانے سے ہونے والے دھماکے کے نتیجے میں 48 افراد ہلاک ہوگئے۔

غیرملکی خبرایجنسی کی رپورٹ کے مطابق نائیجیریا کی اسٹیٹ ایمرجنسی منیجمنٹ نے بتایا کہ وسطی نائیجیریا میں آئل ٹینکر ایک گاڑی سے ٹکرایا جس کے نتیجے میں زوردار دھماکا ہوا۔

بھارت میں فیکٹری میں دھماکا، 5 افراد ہلاک

اسٹیٹ ایمرجینسی منیجمنٹ کے مطابق آئل ٹینکر مسافروں اور مویشیوں کو لے کر جانے والی ایک گاڑی سے ٹکرایا اور اس حادثے کے نتیجے میں دیگر کئی گاڑیاں بھی لپیٹ میں آگئیں۔ حادثے میں 50 مویشی بھی جل گئے۔

حکام نے بتایا کہ حادثے کے بعد زخمیوں کو طبی امداد کیلئے فوری قریبی اسپتال منتقل کردیا گیا ہے۔

خبر ایجنسی کے مطابق حکام کا بتانا تھا کہ آئل ٹینکر دھماکے میں کئی زخمیوں کی حالت نازک ہے جس کے باعث ہلاکتوں میں اضافے کا خدشہ ہے۔