گردے جسم کے اہم اعضا میں شامل ہیں جو خون کو صاف کرتے ہیں۔ ان کا کام خون کے دباؤ کو کنٹرول کرنا، سرخ خون کے خلیے بنانا اور ہڈیوں کو صحت مند رکھنا بھی ہے۔

گردوں کی خرابی عام طور پر ناقابلِ علاج ہوتی ہے اور وقت کے ساتھ ان کی فعالیت کم ہوتی جاتی ہے، جس سے کرونک کڈنی بیماری پیدا ہوتی ہے۔ اس بیماری کی کئی وجوہات ہو سکتی ہیں، جیسے کہ جینیاتی عوامل، انفیکشنز یا آٹومیمون مسائل۔

کڈنی کے ماہرین اس بات کا خیال رکھتے ہیں کہ اپنی گردوں کی صحت کو برقرار رکھنے کے لیے وہ کبھی یہ کام نہیں کرتے:

ادویات اور سپلیمنٹس کی معلومات کو چھپانا

بہت سی اوور دی کاؤنٹر ادویات اور سپلیمنٹس گردوں کی خرابی کا سبب بن سکتی ہیں۔ ڈاکٹر ایمبر پاراتورے سینچیز نے کہا۔ اس لیے اپنے ڈاکٹر کو تمام ادویات اور سپلیمنٹس کی معلومات دینا بہت ضروری ہے۔

ذیابیطس، بلڈ پریشر، اور کولیسٹرول کو نظرانداز کرنا

ذیابیطس اور بلڈ پریشر کی بے قاعدگی کڈنی بیماری کی سب سے عام وجوہات ہیں،“ ڈاکٹر نیلوفر نوبخت نے وضاحت کی۔ ان بیماریوں کا دھیان رکھنا بہت ضروری ہے۔

زیادہ نمک، شکر، اور سرخ گوشت کا استعمال

نمک، شکر، اور سرخ گوشت کی زیادتی سے بلڈ پریشر اور کولیسٹرول بڑھ سکتا ہے، جو گردوں کی صحت پر اثر انداز ہوتا ہے۔

ورزش کو نظرانداز کرنا

ورزش بلڈ پریشر اور بلڈ شوگر کو کنٹرول میں رکھنے میں مدد کرتی ہے،“ نوبخت نے بتایا۔ ہفتے میں کم از کم تین دن ورزش کرنا ضروری ہے۔

پانی کی کمی کو نظرانداز کرنا

پانی کی کمی گردوں کو نقصان پہنچا سکتی ہے،“ نوبخت نے کہا۔ گرم موسم یا زیادہ پسینے کی صورت میں پانی کا خیال رکھنا بہت ضروری ہے۔

ذہنی دباؤ کو نظرانداز کرنا

مسلسل ذہنی دباؤ سے بلڈ پریشر اور شوگر کی سطح بڑھ سکتی ہے، جو گردوں کو نقصان پہنچا سکتی ہے۔ ذہنی سکون کے طریقے اپنانا ضروری ہے۔

نیند کو نظرانداز کرنا

اچھے معیار کی نیند کڈنی کی صحت کے لیے اہم ہے،“ نوبخت نے کہا۔ ہر رات 7 سے 9 گھنٹے کی نیند کا خیال رکھیں۔

اوپسٹرکٹو اسلیپ ایپنیا کو نظرانداز کرنا

اگر رات کو خراٹے آتے ہیں یا سانس لینے میں دشواری ہوتی ہے تو اس کا علاج کرانا ضروری ہے، کیونکہ یہ بلڈ پریشر کو کنٹرول کرنے میں مدد کرتا ہے۔

معیاری چیک اپس اور اسکریننگز کو نظرانداز کرنا

گردوں کی بیماری کے خطرے کے حامل افراد کو باقاعدگی سے ڈاکٹر سے ملنا اور اپنے بلڈ پریشر اور لیب ٹیسٹ کروانا چاہیے۔

سگریٹ نوشی کو جاری رکھنا

سینچیز نے کہا کہ سگریٹ نوشی گردے کے کینسر کے خطرے کو بڑھا سکتی ہے، سگریٹ چھوڑنے سے اس خطرے میں بتدریج کمی آتی ہے۔

آن لائن کڈنی ڈائیٹ کو مشورے کے بغیر اپنانا

آن لائن ملنے والی ڈائیٹس کو بغیر ڈاکٹر کے مشورے کے اپنانا خطرناک ہو سکتا ہے،“ سینچیز نے بتایا ہر فرد کی خوراک کی ضروریات مختلف ہوتی ہیں۔

اپنی گردوں کی صحت کو برقرار رکھنے کے لیے یہ احتیاطی تدابیر اپنانا ضروری ہے تاکہ آپ کی صحت بہتر رہے اور گردے دیر تک فعال رہیں۔