اسٹیٹ بینک آف پاکستان نے ملکی زرمبادلہ کے ذخائر کے اعداد و شمار جاری کردیے۔

اسٹیٹ بینک کے مطابق زرمبادلہ کے ذخائر30 اگست کو ختم ہوئے ہفتے میں 3.64 کروڑ ڈالر کم ہوئے ہیں۔ جبکہ ملکی زرمبادلہ کے ذخائر 30 اگست تک 14.73 ارب ڈالر رہے۔

اسٹیٹ بینک کے اپنے ذخائر 3.34 کروڑ ڈالر اضافے سے 9.43 ارب ڈالر رہے جبکہ کمرشل بینکوں کے ذخائر 6.98 کروڑ ڈالر کم ہوکر 5.3 ارب ڈالر رہے۔

خیال رہے کہ ملکی زرمبادلہ ذخائر اگست 2024 میں 77.29 کروڑ ڈالر بڑھے ہیں۔