یوگنڈا سے تعلق رکھنے والی ایتھلیٹ ریبیکا چیپٹگی کو ان کے سابق بوائے فرینڈ نے پیٹرول چھڑک کر آگ لگا دی۔

رپورٹ کے مطابق 33 سالہ ریبیکا نے پیرس اولمپکس میں یوگنڈا کی نمائندگی کی تھی۔ رپورٹ میں بتایا گیا ہے ایتھیلیٹ ریبیکا کو مبینہ طور پر سابق بوائے فرینڈ نے پیٹرول چھڑک کر جلادیا، جس کے بعد پڑوسیوں کی مدد سے ریبیکا کو کینیا کے اسپتال منتقل کیا گیا۔

ڈاکٹرز کے مطابق حادثے میں ریبیکا کا جسم کافی جھلس گیا اور ان کی حالت تشویشناک ہے۔ پولیس میں درج رپورٹ کے مطابق ریبیکا اور ان کے سابق بوائے فرینڈ کے درمیان زمین پر جھگڑا چل رہا تھا، تاہم پولیس اس حوالے سے مزید تفتیش کررہی ہے۔ جب کہ ریبیکا کے والد نے بھی بیٹی کیلئے انصاف کا مطالبہ کیا ہے۔

واضح رہے کہ ریبیکا نے پیرس اولمپکس دو ہزار چوبیس میں میراتھن میں چوالیس ویں پوزیشن حاصل کی تھی۔