ناسا کے سائنسدانوں کی جانب سے زمین سے ٹکرانے سے چند گھنٹے قبل ایک چھوٹا سیارچہ دیکھا گیا جو فلپائن کے آسمان پر فضا میں ہی جل گیا۔

غیر ملکی میڈیا کے مطابق ناسا کے لیے کام کرنے والے ایریزونا کے سائنسدان جو 2024 RW1 نامی سیارچے کو دیکھنے کے لیے موجود تھے۔

2024 RW1 نامی سیارچے کا سائز تقریباً 3 فٹ (1 میٹر) تھا جو باقی سیارچوں کے حجم سے کافی چھوٹا سمجھا جا رہا ہے۔

سائنس دان چاہتے ہیں ’زمین کے قریب دریافت نئے چاند‘ کا نام آپ رکھیں

مذکورہ خلائی پتھر زمین کی فضا میں داخل ہوا اور فلپائن کے قریب بحر الکاہل کے اوپر ہی ٹوٹ گیا۔ اگرچہ سیارچہ سائز میں چھوٹا ضرور تھا، مگر اس کی تیز چمکیلی روشنی فلپائن کے مشرقی ساحل پر لوگوں نے دیکھی۔

فلپائن کے شہریوں نے سیارچے کی تصاویر اور ویڈیوز اپنے موبائل فون میں قید کر کے سوشل میڈیا پر شیئر کیں۔

سیارچہ ”2024 RW1“ سے متعلق بتایا جا رہا ہے کہ ایسا نویں بار ہوا ہے جب لوگوں نے کسی سیارچے کو زمین سے ٹکرانے سے قبل ہی دیکھ لیا۔