بھارت کے وزیرِاعظم نریندر مودی مشرقِ بعید کی ریاستوں کے دورے کے حوالے سے سنگاپور پہنچے تو اُن کا پرتپاک خیرمقدم کیا گیا۔ بھارتی کمیونٹی کے لوگ اُن کی ایک جھلک دیکھنے کے لیے بڑی تعداد میں جمع ہوئے۔

نریندر مودی نے استقبال کے لیے آنے والے بچیوں سے ہاتھ ملایا اور اُن کے سر پر ہاتھ بھی رکھا۔ ساتھ ہی انہوں نے بھارت ثقافت کو نمایاں کرنے والے فنکاروں پر بھی خوب توجہ دی۔

مودی کے استقبال کی تقریبات میں چند ڈھولچی بھی بلائے گئے تھے۔ ایک ڈھولچی کے ساتھ مل کر نریندر مودی نے ڈھول بھی بجایا۔

اپنے وزیرِاعظم کی طرف سے ڈھول بجانے میں مہارت کے مظاہرے کو بھارتی کمیونٹی نے خوب انجوائے کیا۔

سنگاپور میں قیام کے دوران بھارتی وزیرِاعظم اپنے ہم منصب لارنس وانگ اور ملک کے صدر تھرمن شنمگارتنم اور دیگر اہم قائدین سے بھی ملیں گے۔

مودی سنگاپور کی اہم کاروباری شخصیات سے بھی ملاقات کریں گے۔ اس موقع پر دوطرفہ تجارت کو فروغ دینے سے متعلق معاہدے بھی متوقع ہیں۔ سنگاپور کے سرمایہ کار بھارت میں سرمایہ کاری کرنا چاہتے ہیں۔ اس سلسلے میں دونوں ملکوں میں اعلیٰ سطح پر رابطے رہے ہیں۔