حسن قرأت کے عالمی مقابلے میں پاکستان کی نمائندگی کرنے والے 10 سالہ بچے نے نمایاں پوزیشن حاصل کرلی۔

میڈیا رپورٹ کے مطابق الجزائر نے مزمیر داؤد عالمی حسن قرأت کے مقابلے کا اہتمام کیا، جہاں دنیا کے 15 ممالک کے حافظ قرآن بچوں نے شرکت کی۔

عالمی مقابلے میں پاکستان کی نمائندگی سوات کے رہائشی 10 سالہ محمد بشار نے کی جس نے مقابلے میں چوتھی پوزیشن حاصل کرنے کے علاوہ 1500 ڈالر کی انعامی رقم بھی جیتی۔

رپورٹ کے مطابق محمد بشار کی عالمی مقابلے میں کامیابی نے پاکستان اور الجزائر کے درمیان مضبوط ثقافتی اور روحانی تعلقات کو اجاگر کیا ہے۔

حسن قرأت کے عالمی مقابلے کا اہتمام الجزائر کے نجی میڈیا آؤٹ لیٹ ایکوروک نے کیا تھا۔