بھارت کے سابق آل راؤنڈر یوراج سنگھ کے والد نے سابق بھارتی کپتان ایم ایس دھونی پر دوبارہ الزامات عائد کر دیے۔

یاد رہے کہ اس سے قبل بھی یوگراج سنگھ سابق بھارتی کپتان دھونی پر بیٹے کو ٹیم سے نکالنے سمیت کئی الزام عائد کرچکے ہیں۔

بھارتی میڈیا کے مطابق یوگراج سنگھ کا کہنا تھا کہ دھونی ایک بڑا کھلاڑی ہے مگر اس نے میرے بیٹے کا کیرئیر تباہ کر دیا، میں اُنہیں کبھی معاف نہیں کروں گا۔

یوگراج سنگھ کا کہنا تھا کہ دھونی کو شیشے میں اپنا چہرہ دیکھنا چاہیے اب سب کچھ سامنے آرہا ہے، یہ کبھی معاف نہیں کیا جا سکتا۔

انہوں نے کہا کہ دھونی ایک بڑ اکرکٹر ہے لیکن اس نے میرے بیٹے کے ساتھ جو کیا وہ کبھی معاف نہیں کروں گا۔

یوراج سنگھ کے والد یوگراج سنگھ کا مزید کہنا تھا کہ میرا بیٹا 4 سے 5 سال مزید کرکٹ کھیل سکتا تھا، گوتم گھمبیر اور وریندر سہواگ کہہ چکے ہیں کہ کوئی دوسرا یووراج سنگھ نہیں ہو سکتا، بیٹے کو کینسر کے ساتھ کھیلنے پر بھارت کو اسے بھارت رتنا ایوارڈ دینا چاہیے۔

تاہم ایم ایس دھونی کی جانب سے ان کے الزامات پر تاحال خاموشی اختیار کر رکھی ہے۔ اس حوالے سے دھونی کا کوئی رد عمل سامنے نہیں آیا۔