انسانی صحت کی بہتری اور وزن کم کرنے کے لیے چہل قدمی کو ایک معاون ورزش بھی سمجھا جاتا ہے۔ صحت مند زندگی گزارنے کے لیے طبی ماہرین بھی چہل قدمی کرنے کا مشورہ دیتے ہیں، جو کہ ایک آسان اور سب سے زیادہ مؤثر طریقہ ہے۔

وہیں بہت سے افراد وزن گھٹانے کے لیے جم میں ’ٹریڈ مل‘ کا بھی سہارا لیتے ہیں۔ ٹریڈ مل ان مشینوں میں سے ایک مشین ہے جس پر چل کر ورزش کی جاتی ہے۔

اگر آپ ہر روز رات کے کھانے کے بعد 30 منٹ چلتے ہیں تو جسم کے ساتھ کیا ہوتا ہے؟

کونسا عمل زیادہ کیلوریز جلاتا ہے؟

دونوں کے درمیان بنیادی فرق بیرونی عوامل کا ہے۔ باہر چہل قدمی کے دوران آپ کو ناہموار زمین، ہوا کی مزاحمت ، جو آپ کی ورزش میں خلال پیدا کرسکتی ہے۔ جبکہ ٹریڈمل باہر چہل قدمی کے مقابلے میں ممکنہ طور پر زیادہ کیلوریز جلا سکتا ہے۔ دوسری طرف ٹریڈمل مشین پر آپ رفتار کو ایڈجسٹ کر سکتے ہیں اپنے دل کی دھڑکن کی نگرانی کر سکتے ہیں، جس سے ایک مخصوص شدت کی سطح کو ایک طویل مدت تک برقرار رکھنا آسان ہو جاتا ہے۔

اگر آپ ٹریڈمل پر اور باہر چہل قدمی دونوں میں مساوی رفتار رکھیں تو کیلوریز جلانے میں زیادہ فرق نہیں آئے گا۔ تاہم، اگر آپ کو بیرونی حالات کا سامنا کرنا پڑتا ہے یا آپ مختلف رفتار اور مائل پر چلنے کا انتخاب کرتے ہیں، تو بیرونی چہل قدمی کے نتیجے میں کیلوریز کا خرچ قدرے زیادہ ہو سکتا ہے۔

ٹریڈمل بمقابلہ چہل قدمی: کیا بہتر ہے؟

ٹریڈمل پر چلنا گھر کے اندر چہل قدمی کرنے کے مترادف ہے۔ باہر چلنے کا مطلب فٹ پاتھوں، سڑکوں یا پارکوں پر چلنا ہے۔ بھارتی ڈاکٹر دیپتی شرما کے مطابق ٹریڈمل پر چلنا زیادہ کنٹرول اور آسان ہوتا ہے، لیکن باہر چہل قدمی کرنا ان کی نظر میں زیادہ بہتر ہے کیونکہ آپ کو چلنے کے لیے تازہ ہوا ملتی ہے جو کہ انسانی صحت کو مزید بہتر بنا سکتی ہے۔

طبی ماہرین کی نظر میں باہر چہل قدمی اور ٹریڈمل پر چلنا دونوں کے اپنے اپنے فائدے ہیں۔ باہر چہل قدمی آپ کو قدرتی اور تازہ ہوا ملتی ہے، جو سکون کا احساس اور تناؤ کو کم کر سکتی ہے۔ جبکہ ٹریڈمل پر چلنا ایک محفوظ شدہ ماحول فراہم کرتا ہے جو کہ ایک اچھا آپشن ہے۔

لہٰذا، آپ باہر چہل قدمی کا انتخاب کریں یا پھر ٹریڈمل پر واک، دونوں ہی انسانی صحت کو بہتر بنانے میں اہم کردار ادا کرتی ہیں۔