وزیر قانون اعظم نذیر تارڑ نے کہا ہے کہ فیض حمید کا کیس کہاں چلے گا یہ ہمارا دائرہ اختیار نہیں تاہم ضرورت پڑی تو عمران خان کا کیس فوجی عدالت میں بھیجنے کا فیصلہ پنجاب حکومت کرے گی۔

وزیر قانون اعظم نذیر تارڑ نے صحافیوں سے غیر رسمی گفتگو کرتے ہوئے واضح کیا کہ نیا ترمیمی بل نہیں نہیں لایا جا سکتا اور نہ ہی جوائنٹ سیشن میں کوئی ترمیم ہو سکتی ہے۔

انھوں نے کہا کہ حکومت کوئی سرپرائز قانون سازی کرنے کا ارادہ نہیں رکھتی۔

وزیر قانون کا مزید کہنا تھا کہ کسی رکن کے نجی بل کا حکومت سے تعلق نہیں ہوتا، حکومتی ارکان کے سینکڑوں بل موجود ہیں ، چیف جسٹس کی توسیع کےحوالے سےتجویز زیر غور نہیں ہے۔