پولیس نے بغیر ہیلمٹ گاڑی چلانے پر نوجوان پر جرمانہ عائد کردیا
بھارت میں ایک شہری پر گاڑی چلانے کے دوران ’ہیلمٹ‘ نہ پہننے پر چلان کر دیا گیا۔
بھارتی میڈیا رپورٹ کے مطابق واقعہ بھارتی شہر نوئیڈا میں پیش آیا جب تشار سکسینا نامی نوجوان پر بھارتی ٹریفک پولیس نے ایک ہزار روپے کا چلان کر دیا، جس پر شہری نے بھی اس چلان پر ایکشن لینے کا فیصلہ کیا۔
تشار سکسینا نے جرمانے کو چیلنج کرتے ہوئے دعویٰ کیا ہے کہ وہ مقررہ تاریخ پر نوئیڈا میں موجود نہیں تھے اور ایسا کوئی ٹریفک اصول نہیں جس کے تحت کار ڈرائیوروں کو ہیلمٹ پہننے کی ضرورت ہو۔
تصویر بھارتی میڈیا
بھارتی میڈیا کے مطابق یہ واقعہ نومبر 2023 میں پیش آیا جب سکسینا پر ہیلمٹ کے بغیر گاڑی ڈرائیو کرنے پر ایک ہزار روپے جرمانہ عائد کیا گیا۔ بھارتی شہری اتر پردیش کے رام پور علاقے کا رہائشی ہے جو نوئیڈا سے تقریباً 190 کلومیٹر دور ہے۔
موٹر وہیکل ایکٹ موٹرسائیکل چلاتے وقت ہیلمٹ پہننا لازمی ہے، جبکہ کار ڈرائیوروں کے لیے ایسی کوئی شرط نہیں ہے۔ تشار سکسینا نے درخواست کرتے ہوئے کہا کہ نوئیڈا پولیس ایسے کسی بھی ٹریفک اصول کی تحریری تصدیق فراہم کرے۔
Comments are closed on this story.