وزیرِ اعظم محمد شہباز شریف کا بنگلا دیش میں حالیہ سیلابی صورتحال پر بنگلا دیش کے چیف ایڈوائزر ڈاکٹر محمد یونس کو خط لکھ دیا ۔ پاکستان کی جانب سے مدد کی پیشکش کر دی ۔

وزیر اعظم کے خط میں بنگلا دیش میں حالیہ تباہ کن سیلابی صورتحال پر دکھ اور رنج کا اظہار کرتے ہوئے کہا اس کڑے وقت میں مجھ سمیت پوری پاکستانی قوم کی ہمدردیاں بنگلہ دیشی حکومت اور عوام کے ساتھ ہیں۔

شہباز شریف نے کہا کہ مشکل وقت میں بنگلادیش اور بنگلہ دیشی شہریوں، جن کے سیلاب میں پیارے بچھڑ گئے، گھر اور روزگار تباہ ہوئے، کے ساتھ کھڑے ہیں۔

وزیرِاعظم کا مزید کہنا تھا کہ بنگلادیشی عوام مشکلات میں اپنے حوصلے اور ہمت کیلئے جانے جاتے ہیں،پر اُمید ہوں کہ بنگلہ دیش آپ کی قیادت میں اس مشکل سے جلد نکل آئے گا، پاکستان اس مشکل وقت میں ہر طرح سے بنگلہ دیش کی مدد کیلئے تیار ہے۔