بانی چیئرمین پی ٹی آئی نے جیل میں ورزش کیلئے ڈمبل کا جوڑا مانگ لیا تاہم جیل حکام نے ڈمبل کی فراہمی کو جیل مینول کے خلاف قرار دیتے ہوئے اجازت دینے سے انکار کردیا ۔

190 ملین پاؤنڈ ریفرنس کی سماعت کے دوران بانی پی ٹی آئی کی جانب سے دو درخواستیں جمع کرائی گئیں۔ درخواستیں بانی پی ٹی آئی کے وکیل خالد یوسف چوہدری نے جمع کرائی۔

ایک درخواست بانی پی ٹی آئی کو ورزش کیلئے ڈمبل کا جوڑا فراہم کرنے سے متعلق تھی جبکہ دوسری درخواست بانی پی ٹی آئی سے بینک اسٹیٹمنٹ کے لئے لیٹر پر دستخط کرانے سے متعلق تھی۔

عدالت نے دونوں درخواستوں پر جیل حکام کو جیل مینول کے مطابق عملدرآمد کی ہدایت کردی۔

اس پر جیل حکام نے ڈمبل کی فراہمی کو جیل مینول کے خلاف قرار دیتے ہوئے اجازت دینے سے انکار کردیا،،بینک اسٹیٹمنٹ کی دستاویزات بھی جیل حکام نے روک دیا۔